LATEST NEWS

Monday 16th January 2017 22:47:35


News

ඕම් පූරිගේ  මරණය පසුපස ඉන්දීය අග්‍රාමාත්‍යවරයා ?


Views : 163     January 09, 2017 11:05 am


අභාවප්‍රාප්ත වූ ඉන්දීය අසහාය නළු ඕම් පූරිගේ  මරණය පසුපස ඉන්දීය අග්‍රාමාත්‍ය නරේන්ද්‍ර මෝදි හා ඉන්දීය ආරක්ෂක උපදේශක අජිත් ඩොවාල් සිටින බව පාකිස්තාන රූපවාහිනියක් සිය ප්‍රවෘත්ති ප්‍රකාශයක් තුළ පවසා තිබෙනවා.

එම පුවත ඉන්දීය මාධ්‍ය විසින් හාස්‍ය ජනක ලෙස වාර්තා කර ඇති අතර පාකිස්තාන රූපවාහිනී නාළිකාව පවසා ඇත්තේ පාකිස්තාන කලාකරුවන් වෙත සහාය දක්වමින් ඕම් පූරි අදහස් ප්‍රකාශ කිරීම ඔහුව ඝාතනය කිරීමට ආසන්න හේතුව වී ඇති බවයි.

එසේම ආසන්න කාලසීමාවේදී ඕම් පූරි සිය නිවස වෙත කැඳවා ඇති ඉන්දීය ආරක්ෂක අංශ උපදේකශවරයා ඔහුට පහරදී ඇති බවත් ඔහු කර ඇති ප්‍රකාශ සඳහා සමාව ගන්නා ලෙස පවසා ඇති බවත් පාකිස්තාන "බොල්" රූපවාහිනී සේවය ප්‍රකාශ කර තිබෙන බව එම  ඉන්දීය මාධ්‍ය පවසනවා.

කෙසේ වෙතත් ඕම් පූරිගේ මරණයට හේතුව හෘදයාබාධයක් බවත් එය මිනීමැරුමක් බවට කිසිවෙකුත් පවසා නැති බවත් ඉන්දීය මාධ්‍ය තොරතුරු වාර්තා සඳහන් කරනවා.