LATEST NEWS

Monday 20th February 2017 05:01:38


News

මම බලයේ ඉද්දි හොදනැති දේවල් දැන් හොදවෙලා


Views : 134     January 11, 2017 06:15 am


අගමැති රනිල් වික්‍රමසිංහ වසර විස්සකට ප්‍රථම ප්‍රතික්ෂේප කළ ආණ්ඩුක්‍රම ව්‍යවස්ථාවම යළි ගෙනඒමට උත්සාහ කරන බව ජාතික සමගිය හා සංහිඳියා කාර්යාංශයේ සභාපතිනි, හිටපු ජනාධිපතිනි චන්ද්‍රිකා බණ්ඩාරනායක කුමාරතුංග පවසනවා.

එකල තමා පැවසූ දේ අගමැතිවරයා වර්තමානයේ ප්‍රකාශ කරන බවත් මෙම වසර විස්ස පුරාවටම සිදුවූයේ  රට විනාශයට පත්වීම බවද හිටපු ජනාධිපතිවරිය ප්‍රකාශ කළේ ඊයේ (10දා) ජාතික සමගිය හා සංහිඳියා කාර්යාංශයේ පැවැති සාකච්ඡාවකට සහභාගි වෙමිනි.

 “එදා එපා කියපු ව්‍යවස්ථාව තමයි දැන් රනිල් වික්‍රමසිංහ ගේන්න හදන්නේ. එදා එපා කිව්වෙ අපේ පක්ෂය නැවත දිනයි කියලා බයට. මම තව ටික කාලයක් ජනාධිපතිවෙලා ඉඳියි කියන බයට. අන්තිමට එයාලව බලයට ගේන්නත් මම උදවු කරලා, අගමැතිත් කරලා තවත් අය ජනාධිපතිත් කළා. දැන් එයාලා එදා මම කියපු දේ කියනවා. ඒකාලය පුරාවට අවුරුදු 20 ක් තිස්සේ රට විනාශයට පත්වුණා. දැන් එක්සත් ජාතික පක්ෂයේ බහුතරය පිළිගන්නවා එදා ඒකට සහයෝගය දුන්නානම් බොහොම හොඳයි කියලා. ඒ වැරැද්ද දැන් පිළිගන්නවා. දැන්වත් පිළිගන්නඑක ලොකු දෙයක්.

එකල නව ව්‍යවස්ථාවට සහයෝගය නොදීමෙන් වරදක් කළ බවට එක්සත් ජාතික පක්ෂයේ බොහෝමයක් මේවනවිට පිළිගෙන ඇති අතර, පමා වී හෝ වරද පිළිගැනීම යහපත් දෙයක් බවද චන්ද්‍රිකා බණ්ඩාරනායක වැඩිදුරටත් දසහන් කළා.

 

MOST HITS IN A WEEK

READ MORE